2 თებერვალი, 2012 - 11:12

„ახალი თაობა“ ჟურნალისტ სოფო ნიკოლაშვილის დაკავების შესახებ წერს

გაზეთი “ახალი თაობა” ჟურნალისტ სოფო ნიკოლაშვილის დაკავების ფაქტზე ამახვილებს ყურადღებას, რომელიც პოლიციის თანამშრომლის გიორგი სიბაშვილის განზრახ მკვლელობის მცდელობაშია ბრალდებული.

ინციდენტი 31 იანვარს მოხდა. სამართალდამცავების ცნობით, სოფო ნიკოლაშვილი შეეცადა გიორგი სიბაშვილისთვის ცეცხლსასროლი იარაღიდან სროლას, თუმცა სიბაშვილმა  მას იარაღი წაართვა და პოლიციაში მიიყვანა. ჟურნალისტი თელავის წინასწარი დაკავების იზოლატორშია მოთავსებული.

“ახალი თაობა” გიორგი სიბაშვილის გამოძიებისთვის მიცემის ჩვენების შინაარსაც აქვეყნებს. სიბაშვილის თქმით, მან სოფო გასულ გაზაფხულს გაიცნო და არავითარი კონფლიქტი ამ ხნის მანძილზე არ ჰქონიათ. სოფო ნიკოლაშვილი მას 31 იანვარს დაუკავშირდა და  შეხვედრა სთხოვა, რა დროსაც მის მოკვლას შეეცადა.

გაზეთი „ახალი თაობა“ „კახეთის საინფორმაციო ცენტრის“ ინფორმაციაზე დაყრდნობით წერს, რომ ბრალდებული ადვოკატის გარეშე დაკითხეს, მიუხედავად იმისა, რომ სოფო ნიკოლაშვილმა ადვოკატი არაერთხელ მოითხოვა.

სტატიაში ასევე აღნიშნულია, რომ სისხლის სამართლის საპროცესო კანონმდელობით პოლიცია ვალდებული იყო, ბრალდებულის ოჯახის წევრებისთვის მისი დაკავების შესახებ დაუყოვნებლივ ეცნობებინა. თუმცა, ეს ასე არ მოხდა და ოჯახი სოფო ნიკოლაშვილს მთელი ღამის მანძილზე საავადმყოფოებსა და ნათესავებთან ეძებდა.

ამჟამად დაკავებულის უფლებებს, ადვოკატი მაგული ღვალაძე დაიცავას, რომელიც გაზეთის ცნობით, საქმის დეტალებზე არ საუბრობს.  

Share

ახალი კომენტარის გამოქვეყნება

ამ ველის კონტენტი პირადია და არ გამოჩნდება.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.