23 თებერვალი, 2006 (All day)

ახალგაზრდა იურისტების კვლევის შედეგებით "ვარდების რევოლუციის" შემდეგ მედიის თავისუფლება შეიზღუდა

არასამთავრობო ორგანიზაცია "ახალგაზრდა იურისტთა ასოციაციამ" საქართველოში მედიის შესახებ კვლევის შედეგები გამოაქვეყნა, რომლის თანახმად, "ვარდების რევოლუციის" შემდეგ საქართველოში სიტყვის თავისუფლება შეიზღუდა, გაიზარდა მედიაზე ცენზურა, ხოლო ჟურნალისტებზე ძალადობა მასშტაბური გახდა.

ახალგაზრდა იურისტებმა მიმდინარე წლის ნოემბერ-დეკემბერში ქვეყნის მასშტაბით 55 ჟურნალისტი გამოკითხეს, ჩატარდა ტელეკომპანიების გადაცემებისა და პრესის მონიტორონგი.

კვლევის შედეგების პრეზენტაცია 16 დეკემბერს, ბათუმში ადამიანის უფლებების დაცვის კვირეულის ფარგლებში მოეწყო. როგორც კვლევამ აჩვენა, ჟურნალისტების 62%-ის აზრით, მედია ნაწილობრივ თავისუფალია. 46%-ს მიაჩნია, რომ სიტყვის თავისუფლება საგრძნობლად შეიზღუდა. 31%-სთვის მედია არ არის თავისუფალი, ხოლო 7% დარწმუნებულია, რომ მედია თავისუფალია და ხელისუფლების მხრიდან არ განიცდის ზეწოლას. ამავე დროს, გამოკითხულთა ნახევარზე მეტი - 54 % თვლის, რომ რევოლუციის შემდეგ საჯარო ინფორმაციის მოპოვება გართულდა, თუმცა, 22 პროცენტის აზრით, პირიქით, გაადვილდა.

სახელმწიფო უწყებებიდან, რომლებიც მედიას ყველაზე მეტად ავიწროვებენ, ჟურნალისტების 42%-მა შს სამინისტრო დაასახელა, 15%-მა - პროკურატურის ორგანოები, ხოლო 7%-მა - თავდაცვის უწყება.

გამოკითხული ჟურნალისტების 56%-ის აზრით, საინფორმაციო საშუალებებს შორის ყველაზე თავისუფალი ინტერნეტ-გამოცემებია, 28%-ის აზრით ბეჭვდითი მედია, ხოლო 8-8 პროცენტმა ყველაზე თავისუფალ მედია საშუალებებად რადიო და ტელევიზია დაასახელა.

Share

ახალი კომენტარის გამოქვეყნება

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.