8 ივლისი, 2011 - 17:35

შეწყდეს ზეწოლა მცხეთა - მთიანეთის საინფორმაციო ცენტრზე! - არასამთავრობო ორგანიზაციების განცხადება

http://ick.ge

„ადამიანის უფლებათა ცენტრმა", კავკასიის გარემოსდაცვითი არასამთავრობო ორგანიზაციების ქსელმა (CENN) და „კონსტიტუციის 42-ე მუხლმა" მცხეთა - მთიანეთის საინფორმაციო ცენტრზე ზეწოლის ფაქტებთან დაკავშირებით განცხადებაა გავრცელეს. განცხადების ტექსტს უცვლელად გთავაზობთ:

„არასამთავრობო ორგანიზაციები შეშფოთებას გამოვთქვამთ მცხეთა - მთიანეთის საინფორმაციო ცენტრზე განხორციელებული ზეწოლის ფაქტებთან დაკავშირებით და შესაბამის ორგანოებს სასწრაფო რეაგირებისკენ მოვუწოდებთ.

მცხეთა - მთიანეთის საინფორმაციო ცენტრი ერთადერთი დამოუკიდებელი მედიასაშუალებაა რეგიონში, რომელიც ფონდ „ღია საზოგადოება - საქართველოს" (OSGF) მხარდაჭერით, 2011 წლის ივნისიდან მუშაობს. ორგანიზაციის მიზანია რეგიონში არსებულ პრობლემებზე ჟურნალისტური მასალების მომზადება და გავრცელება. მცირე ხნის მანძილზე, მცხეთა-მთიანეთის საინფორმაციო ცენტრმა გააშუქა ადამიანის უფლებების დარღვევის ფაქტები და სხვა პრობლემატური საკითხები, დაიწყო ჟურნალისტური გამოძიებები. ცენტრის მასალებზე დაყრდნობით, ინფორმაცია გავრცელდა ნაციონალური ტელევიზიების, გაზეთების და საინფორმაციო სააგენტოების მეშვეობით.

მცხეთა - მთიანეთის საინფორმაციო ცენტრის ობიექტურ მუშაობას ადგილობრივი ხელისუფლების მხრიდან მწვავე რეაქცია მოჰყვა. საინფორმაციო ცენტრის ადგილობრივი ჟურნალისტები დააშინეს და სამსახურის დატოვება აიძულეს. სამსახური დატოვა მძღოლმაც. ადგილობრივი ხელისუფლება ცდილობს, ცენტრს შეუქმნას პრობლემები ოფისთან დაკავშირებითაც, რომელიც (ხელშეკრულების საფუძველზე) კერძო პირის სახლშია განთავსებული.

არასამთავრობო ორანიზაციები მივმართავთ მცხეთა-მთიანეთის ადგილობრივ ხელისუფლებას, შეწყვიტოს ზეწოლა ჟურნალისტებზე. ასევე, მივმართავთ მთავრობას და სხვა უფლებამოსილ პირებს, აღნიშნულ რეგიონში უზრუნველყონ მედიისა და არასამთავრობო ორგანიზაციების მუშაობა".

ადამიანის უფლებათა ცენტრი
კავკასიის გარემოსდაცვითი არასამთავრობო ორგანიზაციების ქსელი (CENN
კონსტიტუციის 42-ე მუხლი

Share

ახალი კომენტარის გამოქვეყნება

ამ ველის კონტენტი პირადია და არ გამოჩნდება.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.