სამხრეთ კაროლინას უნივერსიტეტი GIPA-ს ჟურნალისტიკის და მედია მენეჯმენტის კავკასიური სკოლის გაძლიერებაში დაეხმარება
აშშ-ს სამხრეთ კაროლინას უნივერსიტეტი, სამწლიანი პარტნიორული პროექტის ფარგლებში. GIPA-ს ჟურნალისტიკის და მედია მენეჯმენტის კავკასიური სკოლის გაძლიერებაში დაეხმარება.
პროექტს აფინანსებს ამერიკის შეერთებული შტატების სახელმწიფო დეპარტამენტი 750,000 აშშ დოლარის ოდენობით.
პარტნიორული პროექტი 2010-2012 წლებში განხორციელდება. იგეგმება GIPA -ს ჟურნალისტიკის სკოლის კურიკულუმისა და სასწავლო მიდგომების დახვეწა, პრაქტიკული სწავლების გაფართოება, პროფესორ-მასწავლებლების მომზადება. პროექტი ასევე ითვალისწინებს სამხრეთ კაროლინას უნვიერსიტეტის პროფესურის მიერ სემესტრულ სწავლებას ჟურნალისტიკისა და მედია მენეჯმენტის კავკასიურ სკოლაში, აპარატურის და სხვა რესურსების შესყიდვას. პროექტი გააფართოებს ჟურნალისტიკისა და მედია მენეჯმენტის კავკასიური სკოლის გრძელვადიანი მდგრადი განვითარების პერსპექტივებს სამხრეთ კაროლინას უნივესიტეტთან გრძელვადიანი ინსტიტუციური კავშირის გზით.
დამატებითი ინფორმაციისთვის მიმართეთ პარტნიორი ორგანიზაციების ვებგვერდებს: www.gipa.ge, www.jour.sc.edu
ახალი კომენტარის გამოქვეყნება