30 ივლისი, 2010 - 17:03

პრეზიდენტის სიმბოლური საჩუქრები - სტუდია "მონიტორის" ახალი ფილმი

ბექა ადამაშვილი

ბოლო სამი წლის განმავლობაში საქართველოს პრეზიდენტმა  მიხეილ სააკაშვილმა 70-მდე ობიექტი სიმბოლურ ფასად გაასხვისა. ამის შესახებ სტუდია "მონიტორის" ახალი ფილმი გვიამბობს, რომლის პრეზენტაცია 29 ივლისს ფონდ "ღია საზოგადოება საქართველოს" ოფისში გაიმართა.

გიორგი მგელაძის  ოცდაექვსწუთიანი ფილმის დიდი ნაწილი ქართულ მედიას ეხება. მათ შორისაა ისტორია ტელეკომპანია "რუსთავი 2"-სათვის გადაცემულ 226 ათასი კვ.მეტრი მიწის ფართობზე, რომელიც თბილისში სანდრო ეულის ქუჩაზე მდებარეობს. "მონიტორის" ჟურნალისტმა დაადგინა, რომ ტელეკომპანიას ერთ კვადრატულ მეტრში 40 ლარი აქვს გადახდილი. თუმცა, კანონის მიხედვით, მერიას საბურთალოს რაიონში, სადაც ეს ქუჩა მდებარეობს,  ამ ფართობის მქონე მიწის ნაკვეთის 68 ლარზე ნაკლებად გაყიდვის უფლება არ აქვს.

გიორგი მგელაძემ კიდევ ორი ტელეკომპანიის საქმე გამოიძია. კერძოდ კი, "რეგიონ ტვ"-ს (ყოფილი "ალანია"), რომელსაც პრეზიდენტმა მთაწმინდაზე ზუბალაშვილების #34-ში ერთ ევროდ 234 კვ/მ მიწა აჩუქა, და "რეალტივი"-ს, რომლის ოფისიც სხვის საკუთრებაში არსებულ სამსართულიან შენობაშია განთავსებული.

აღნიშნული სახლი შინაგან საქმეთა სამინისტროს ყოფილი მაღალჩინოსნის, დავით კეკუას ოჯახის საკუთრებაა. თავად კეკუამ კი, ოფიციალური ინფორმაციით, 2008 წელს ციხეში თავი მოიკლა. თუმცა, ამ შენობაზე კომენტარის გაკეთება არც ტელევიზიის და არც ოჯახის წარმომადგენლებს არ სურთ.

ფილმში ყოფილი ტელეწამყვანის, ინგა გრიგოლიას ოჯახიცაა ნახსენები.  ფილმის მიხედვით,  ინგა გრიგოლიას, აწ უკვე  საკრებულოს წევრის მამას, რომან გრიგოლიას, თბილისში  პეკინის ქუჩაზე,  30-დან 50 ათას აშშ დოლარამდე ღირებულების ქონება 1310 ლარად საკუთრებაში გადასცეს.

ფილმის ავტორთა მრავალგზის მცდელობის მიუხედავად, არცერთ ამ საკითხზე პრეზიდენტის ადმინისტრაციას პოზიცია არ გამოუხატავს. იურისტების განცხადებით კი, სახელმწიფო ქონების სიმბოლურ ფასად გადაცემა ქართული კანონმდებლობით გათვალისწინებული არ არის და პრეზიდენტს არ აქვს უფლება ის ამ ფორმით განკარგოს, ან, გააჩუქოს.

"მონიტორის" მიერ გადაღებული "პრეზიდენტის "სიმბოლური" საჩუქრების" ნახვა დღეიდან უკვე სტუდიის ვებგვერდზეცაა (www.monitori.ge) შესაძლებელი.

Share

ახალი კომენტარის გამოქვეყნება

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.