29 ივლისი, 2010 - 18:15

"ქარვასლაში" ალექსანდრე კლიმჩუკისა და გიგა ჩიხლაძის ხსოვნისადმი მიძღვნილი გამოფენა გაიხსნა

ლევან ჟორჟოლიანი
გამოფენის პლაკატი

28 ივლისს  თბილისის ისტორიულ მუზეუმში ( "ქარვასლა") საქართველო-რუსეთის ომში დაღუპული ორი ქართველი ჟურნალისტის   ალექსანდრე კლიმჩუკისა და  გიგა ჩიხლაძის ხსოვნისადმი მიძღვნილი   გამოფენა გაიხსნა. გამოფენაზე, რომელიც 10 აგვისტომდე გაგრძელდება,  წარმოდგენილია ალექსანდრე კლიმჩუკის მხატვრული და სოციალური თემატიკის ფოტონამუშევრები, ოჯახური ალბომი და რელიკვიები, გიგა ჩიხლაძის ფოტოები  და პუბლიკაციები.

"ქარვასლაში" გახსნილი გამოფენის ავტორის, ნინო ზაალიშვილის თქმით,  ისინი შეეცადნენ გამოფენა მრავალფეროვანი ყოფილიყო და მნახველს  დაღუპული ჟურნალისტების პიროვნულ პორტრეტზე შექმნოდა წარმოდგენა.

გამოფენა

"ვალდებულნი ვიყავით  ეს პროექტი განგვეხორციელებინა, ამით საზოგადოებას  კიდევ ერთხელ შევახსენეთ  ამ  ორი ადანიანის ტრაგედია", თქვა ნინო ზაალიშვილმა.

"გამოფენა ჩაფიქრებული იყო ერთგვარი სიმბოლური ნიშნით, ის მიეძღვნა 2008 წლის ტრაგედიას. თუმცა აქ წარმოდგენილ ფოტომასალაში არ დომინირებს კონფლიქტის თემა, რადგან საშასა და გიგას შემოქმედება მრავალწახნაგოვნად არის წარმოჩენილი", -განაცხადა  გამოფენის კურატორმა ქეთევან ტრაპაიძემ.

"ეს დღე ჩემთვის ძალიან ემოციურია, ბევრს ვერაფერს  გეტყვით,  მადლობელი ვარ იმ ადამიანების,  რომლებსაც საშა ახსოვთ და  გამოფენაზე მოვიდნენ",  უთხრა media.ge-ს ალექსანდრე კლიმჩუკის დედამ.

ალექსანდრე კლიმჩუკი და გიგა ჩიხლაძე 2008 წლის 10 აგვისტოში, საქართველო-რუსეთის

გამოფენა

ომის დროს, ცხინვალის მიდამოებში დაიღუპნენ, თვითმხილველთა განცხადებით, ისინი საქართველოს რეგულარულ ჯარებთან მებრძოლი დაუდგენელი ფორმირების  წევრებმა  მოკლეს.

ალექსანდრე კლიმჩუკი საქართველოში და მის ფარგლებს გარეთ არსებულ უამრავ სააგენტოსა და ჟურნალ-გაზეთთან თანამშრომლობდა. იგი სამჯერ გახდა "იტარ-ტასის" მიერ დაწესებული ჯილდოს მფლობელი წლის საუკეთესო ფოტოგრაფიისათვის.

გიგა ჩიხლაძე იყო ტელეკომპანია "ალანიას" რედაქტორი, ფრანგული რადიო RFI-ს სპეცკორესპონდენტი და ჟურნალ "NEWSWEEK"-ის რეპორტიორი საქართველოში. ჩიხლაძე ცნობილი იყო თავისი მოღვაწეობით განსაკუთრებულად რთულ წერტილებში.

Share

ახალი კომენტარის გამოქვეყნება

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.