12 მარტი, 2010 - 15:09

ჟურნალ "სოლიდარობის" ახალი ნომრის პრეზენტაცია ქუთაისში

მირიან გორგოძე, ქუთაისი

გაეროს განვითარების პროგრამის მხარდაჭერით, საქართველოს სახალხო დამცველთან არსებული ტოლერანტობის ცენტრის მიერ მომზადებული ჟურნალი "სოლიდარობა", ყოველ ორ თვეში ერთხელ გამოდის. რედკოლეგიის მიერ, ჟურნალის ახალი ნომრების პრეზენტაცია საქართველოს სხვადასხვა ქალაქებში და რეგიონებში იმართება. ამჯერად  2010 წლის "სოლიდარობის" პირველი ნომრის პრეზენტაცია 11 მარტს, სახალხო დამცველის ქუთაისის ოფისში შედგა.

არასამთავრობო სექტორსა და ჟურნალისტებს ახალი ნომერი ჟურნალის რედაქტორმა ნინო ცინცაძემ, რედკოლეგიის წარმომადგენელმა ბექა მინდიაშვილმა და ასევე დეკანოზმა კახაბერ კურტანიძემ (რომელიც, ამავე დროს,  ილია ჭავჭავაძის სახელმწიფო უნივერსიტეტის პროფესორია) წარუდგინეს.

ნინო ცინცაძის მიერ ჟურნალში განხილული თემების მოკლე აღწერის შემდეგ, კახაბერ კურტანიძემ წაიკითხა მოხსენება თემაზე: "რელიგია და სახელმწიფო - ტოლერანტობის ბალანსი". ამის შემდეგ  შეკრებილ საზოგადოებას საშუალება მიეცა სასურველი შეკითხვები დაესვა და დისკუსია წარემართა.

"ჩვენი მიზანი იყო გვესაუბრა სახელმწიფოსა და რელიგიის ურთიერთობაზე ტოლერანტობის ჩარჩოებში და იმ ძირითად ღირებულებებზე,  რაზეც დგას დასავლური სამყარო. სიმართლე გითხრათ, მე ველოდი უფრო მეტ კრიტიკას და აგრესიას, თუმცა აგრესიის ნასახიც კი არ ყოფილა",  - განუცხადა Media.Ge-ს კახაბერ კურტანიძემ.

ასეთივე შეხვედრა ქუთაისში ორი თვის შემდეგაც გაიმართება, მთავარი განსახილველი თემა "მემარცხენეობა - მემარჯვენეობა" იქნება.

Share

ახალი კომენტარის გამოქვეყნება

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.