1 მარტი, 2010 - 18:30

2008 წელს საქართველოს სარეკლამო ბაზრის თითქმის 78 პროცენტი ტელევიზიებს ეკავა, ინტერნეტს - 0,2%

ლაშა ზარგინავა

არასამთავრობო ორგანიზაცია "საერთაშორისო გამჭვირვალობა საქართველომ", რეგიონულ ჟურნალისტებთან შეხვედრაზე, 2009 წლის განმავლობაში წარმოებული კვლევების შედეგები წარუდგინა.

შეხვედრა, რომელიც სასტუმრო "ვერე პალასში", 26-27 თებერვალს გაიმართა, "საერთაშორისო გამჭვირვალობა საქართველოს", ექსპერტებმა ჟურნალისტებს, სწორედ ამ კვლევების შედეგები გააცნეს, რომელთა შორის ერთ-ერთ მნიშვნელოვან კომპონენტად, საქართველოში მედიის მდგომარეობაცაა წარმოდგენილი.

"საერთაშორისო გამჭვირვალობა საქართველოს" ანალიტიკოსმა მატიას ჰუტერმა, კავკასიის კვლევითი რესურსების ცენტრის (CRRC) მიერ, განხორციელებული პროექტის საქართველოს მედიის სიღრმისეული კვლევის შედეგები შეაჯამა. პროექტი ევროკავშირის მიერ დაფინანსდა. კვლევა 2009 წლის აგვისტო-ნოემბერში, მთელი ქვეყნის მასშტაბით ჩატარდა და მასში, შემთხვევითობის პრინციპით შერჩეულმა 2 ათასმდე ადამიანმა მიიღო მონაწილეობა.

მატიას ჰუტერის განცხადებით, აღნიშნული კვლევის შედეგად გამოირკვა, რომ ბეჭდვითი მედის ბაზარზე, პრობლემებია პროფესიონალური მედია მენეჯმენტის, მცირე ცირკულაციის, დაბალი ხარისხის რეპორტინგის, საინტერესო სტატიების სიმცირის, არაეფექტური და ძვირი დისტრიბუციის სისტემის, რეკლამის ნაკლებობის, მფლობელობის გაუმჭვირვალობის, მცირე ბაზრის, გამომცემლებს შორის თანამშრომლობის ნაკლებობისა და მდგრადობის კუთხით.

დისტრიბუციაზე საუბრისას, მატიას ჰუტერმა გამოყო, ქუჩებში გაზეთ-ჟურნალების გაყიდვების მონოპოლიზაციის მცდელობა.  მისივე თქმით, "გაუმართავია საფოსტო სერვისი  და დისტრიბუციის სისტემა, არ არსებობს გამომცემელთა შორის კოორდინაცია."

მატიას ჰუტერმა,  "კავკასიის კვლევითი რესურსების ცენტრის" მიერ ჩატარებულ კვლევაზე დაყრდნობით,  განაცხადა, რომ  გაუმჭვირვალეა მედიამფლობელობა და სუბსიდიები ბეჭდვით მედიაში. ანალიტიკოსი ასევე განაცხადა, რომ გაუმჭვირვალეა სარეკლამო ბაზარი, რომელსაც  რამდენიმე ადამიანი აკონტროლებს. მატიას ჰუტერმა საილუსტრაციოდ  საქართველოს სარეკლამო  ბაზარის  2008 წლის კვლევის  შედეგები მოიყვანა, რომლის მიხედვით,  სატელევიზიო რეკლამამ  მთელი სარეკლამო ბაზრის 77,6%  შეადგინა, რადიორეკლამამ - 6,7%, ქუჩის რეკლამამ - 5,9%, საგაზეთომ - 5,1%, ჟურნალებში გასული რეკლამის წილმა - 4,6%, ხოლო ინტერნეტ-რეკლამამ - 0,2%. 
Share

ახალი კომენტარის გამოქვეყნება

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.