26 იანვარი, 2010 - 19:49

სკოლის დირექტორები ჟურნალისტებთან ურთიერთობის წინ განათლების სამინისტროს პრესცენტრს უნდა დაუკავშირდნენ

ლაშა ზარგინავა

საქართველოს პედაგოგთა და მეცნიერთა თავისუფალი პროფკავშირების თავმჯდომარის მანანა ღურჭუმელიძის განცხადებით, განათლების სამინისტროს განკარგულების თანახმად საჯარო სკოლების დირექტორებს და პედაგოგებს, ჟურნალისტებთან ყოველგვარი კომენტარის გაკეთება, განათლებისა და მეცნიერების სამინისტროს პრესცენტრთან შეუთანხმებლად, ეკრძალებათ. ამის შესახებ მანანა ღურჭუმელიძემ თბილისში მედიის წარმომადგენლებთან, 25 იანვარს გამართულ შეხვედრაზე განაცხადა.

"ის ფაქტი, რომ დირექტორებისათვის დაგეგმეს, ჟურნალისტებთან ურთიერთობის შეზღუდვა, მიმაჩნია, რომ ეს არის სერიოზული საფრთხე. ჩვენ მივმართეთ სკოლის დირექტორების გაერთიანების ხელმძღვანელს დავით ლაგვილავას და ვთხოვეთ განცხადება გაეკეთებინა ამის შესახებ. რადგან სკოლის დირექტორთა დიდი ნაწილი აგრძელებს პედაგოგიურ მოღვაწეობას, ანუ არიან ჩვენი ორგანიზაციის წევრები, დამატებით კიდევ ახალი დაბრკოლებების შექმნაზე, გაჩუმებას და შეგუებას არ ვაპირებთ,"-აცხადებს ღურჭუმელიძე.

მედია.გე-ს შეკითხვაზე-თუ რა მექანიზმები არსებობს მათი მხრიდან ამ შეზღუდვის აღსაკვეთად, ღურჭუმელიძემ გვიპასუხა, რომ ისინი მთელი ქვეყნის მასშტაბით შეეცდებიან გაფიცვების მოწყობას.

"არსებობს გაფიცვის მექნიზმი, რომელიც კონსტიტუციით ნებადართულია,"-განაცხადა ღურჭუმელიძემ. მისივე თქმით, ცენტრალურ ტელევიზიებზე, შეგნებულად იბლოკება, პედაგოგთა პროფკავშირების ღონისძიებები და ინიციატივები, რასაც ის ხელისუფლების მხრიდან, მათი ორგანიზაციის ვაკუუმში მოქცევას უკავშირებს.

21 იანვარს საზოგადოებრივი ტელევიზიის  გადაცემაში "დიალოგი დავით პაიჭაძესთან", განათლების მინისტრმა დიმიტრი შაშკინმა განაცხადა, რომ მისი განკარგულებით სკოლის დირექტორებმა, ჟურნალისტებისთვის  ინტერვიუს მიცემის ან ინფორმაციის მიწოდების შესახებ განათლების სამინისტროს პრესცენტრს წინასწარ უნდა შეატყობინოს, რათა ეს უკანასკნელი "დაეხმაროს" დირექტორებს ჟურნალისტებთან "კომუნიკაციის დამყარებაში."

გადაცემის წამყვანმა დავით პაიჭაძემ შენიშნა, რომ მინისტრის ხსენებულ განკარგულებამდე სკოლის დირექტორები "გაცილებით საინტერესოდ" საუბრობდნენ ჟურნალისტებთან.

Share

ახალი კომენტარის გამოქვეყნება

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.