ტელევიზიების და პროგრამების რეიტინგი

„კონფლიქტებისა და მოლაპარაკებების საერთაშორისო კვლევითმა  ცენტრმა“, აპრილში, ქართულ-ჰოლანდიური პროგრამის ფარგლებში, სოციოლოგიური გამოკითხვა  ჩაატარა ტელევიზიების, პარტიების, პოლიტიკოსების და აქტუალური საკითხების რეიტინგის დადგენის მიზნით.
კითხვაზე, ქართული ტელეარხებიდან რომელს უყურებთ ყველაზე ხშირად, გამოკითხული 500 რესპოდენტიდან, 52.8 %-მა უპირატესობა ტელეკომპანია „იმედს“ მიანიჭა.
41.9%-ით  მეორე ადგილზე ტელეკომპანია „რუსთავი 2“ გავიდა.
ამ ორი არხისგან განსხვავებით, დანარჩენ ქართულ ტელევიზიებს საკმაოდ დაბალი რეიტინგი აქვთ:

„202“ – 1.6%
„მზე“ – 1.1%
„ალანია“ – 1.1%
„კავკასია“ – 0.4%
„საზოგადოებრივი მაუწყებელი“ – 0.4%
„პირველი სტერეო“ – 0.2%
„მაესტრო“ -0.2%
ყველას - 0.2%

რესპოდენტებს უნდა დაესახელებინათ ასევე  სატელევიზიო გადაცემები (არხის მიუხედავად), რომლებსაც ხშირად უყურებენ. ამ გამოკითხვაში  პირველი ადგილი ტელეკომპანია „იმედის“ საავტორო გადაცემა „დროებამ“ დაიკავა - 66.3%.  მას  მცირედით ჩამორჩება  ტელეკომპანია „რუსთავი 2“-ის საინფორმაციო პროგრამა „კურიერი“ – 64.3%.
მესამე და მეოთხე ადგილები  უკავია  „იმედის“  საინფორმაციო გამოშვებას „ქრონიკა“ -  52.5%  და ამავე არხის საავტორო გადაცემას  „რე_აქცია“ – 34.4%.
სხვა გადაცემების რეიტინგი კი ასეთია:  

„შაბათის შოუ“ („რუსთავი 2“) – 29.9%;
ტელეჟურნალი „პოსტ-სკრიპტუმი“ („რუსთავი 2“) – 21.00%;
სერიალები - 19.00%;
„ღამის შოუ“ („რუსთავი 2“) – 13.6%;
სავტორო გადაცემა „პირველები“ – („იმედი“) - 12.5%;
თოქ-შოუ „თავისუფალი თემა“ („რუსთავი 2“)  – 11.4%;