კომპანია FORBI და NIMA-ს სადიპლომო პროგრამა მარკეტინგის შესასწავლად იწვევს მედიის წარმომადგენლებს

ქართული მედიის მხარდაჭერის მიზნით კომპანია FORBI და NIMA-ს სადიპლომო პროგრამები საქართველოში ყოველ სასწავლო სეზონზე უსასყიდლოდ მოიწვევენ სასწავლებლად მედია-საშუალების რამდენიმე წარმომადგენელს, რომელიც უძღვება, მუშაობს ან ითავსებს მარკეტინგის ფუნქციას თავის კომპანიაში. ინიციატივის მიზანია, ხელი შეუწყოს მარკეტინგის ფუნქციის ეფექტურ განვითარებას ქართულ მედია-საშუალებებში და ამით გაზარდოს მათი მუშაობის შედეგიანობა.

მოცემული პირობები ეხება NIMA/EMC ორმაგი დიპლომის პროგრამას NIMA A Marketing Practitioner - მარკეტინგის პრაქტიკოსი. პროგრამის შესახებ ინფორმაცია იხილეთ ვებ-გვერდზე www.forbi.biz

შერჩევა მოხდება საკონკურსო საფუძველზე.

დაინტერესებულმა პირებმა უნდა წარადგინონ  შემდეგი სახის დოკუმენტები:

• პროფესიული რეზუმე
• სამოტივაციო წერილი (მიუთითეთ, რატომ არის თქვენთვის მნიშვნელოვანი მარკეტინგში საერთაშორისო კვალიფიკაციის მიღება და როგორ გამოიყენებთ მიღებულ პროფესიულ უნარ-ჩვევებს)
• ცნობა სამუშაო ადგილიდან
• ორი სარეკომენდაციო წერილი სამუშაო ადგილიდან

საბუთები უნდა გააგზავნოთ  შემდეგ მისამართზე: media@forbi.biz

საბუთების წარდგენა შეიძლება მოხდეს როგორც მედია-კომპანიის თანამშრომლის, ისე - ხელმძღვანელობის მხრიდან.

საბუთების მიღება გრძელდება 25 აგვისტომდე.