პოსტ საბჭოთა ქვეყნებში მომუშავე  ახალგაზრდა ჟურნალისტებს  ( 23 დან 35 წლამდე)   საშუალება ეძლევათ მონაწილეობა მიიღონ მერიონ დენჰოფის სახელობის პროგრამაში და გახდნენ  სტაჟიორი-რედაქტორები  გერმანულ ბეჭდურ მედიაში.

BBC აცხადებს მოკლემტრაჟიან დოკუმენტური ვიდეოფილმების (არა უმეტეს 2 წუთისა) კონკურსს თემაზე - „მსოფლიოს თქვენეული ხედვა." განაცხადების მიღების ბოლო ვადაა - 12 მარტი.

ამერიკული „გარემოს თემაზე მომუშავე ჟურნალისტების საზოგადოება" (SEJ) იღებს განაცხადებს მთელი მსოფლიოდან 2010 წლის გარემოს დაცვის გაშუქების თემაზე პრიზების მოსაპოვებლად. საკონკურსოდ მიიღება წიგნები, ბეჭვდითი, ონლაინ და ტელე-რადიო ნამუშევრები. შენატანი თითოეულ განაცხადზე მერყეობს 15-დან 30 აშშ დოლარამდე. განაცხადების მიღების ბოლო ვადაა - 1 აპრილი.

ფოტო ჟურნალისტებს მთელი მსოფლიოს მასშტაბით საშუალება ეძლევათ მონაწილეობა მიიღონ "ქრისტიანული კომუნიკაციების მსოფლიო ასოციაციის (WACC)" წლევანდელ, რიგით მეშვიდე, კონკურსში სახელწოდებით „კომუნიკაციები და სიღარიბე."  განაცხადების მიღების ბოლო ვადაა 1 მაისი.

საერთაშორისო ჟურნალისტებს საშუალება ეძლევათ მონაწილეობა მიიღონ კონკურსში ერთსემესტრიანი სტიპენდიის მოსაპოვებლად. გამარჯვებულები სასტიპენდიო კურსს გაივლიან ჰარვარდის უნივერსიტეტის კენედის სახელობის მართვის სკოლაში. განაცხადების მიღების ბოლო ვადაა - 1 თებერვალი.

გამოცდილ პროგრამისტებსა და ვებ დიზაინერებს, რომლებიც დაინტერესებულნი არიან მაგისტრის ხარისხით ჟურნალისტიკაში, საშუალება ეძლევათ მიიღონ სრულად დაფინანსებული სტიპენდიები აშშ-ში ჩრდილო-დასავლური უნივერსიტეტის მედიის ჟურნალისტიკის სკოლაში (Northwestern University's Medill School of Journalism) სასწავლებლად.

ჟურნალისტებს მთელი მსოფლიოს მასშტაბით საშუალება ეძლევათ განაცხადი გააკეთონ როზალინ კარტერის სტიპენდიაზე (Rosalynn Carter Fellowship).  სტიპენდია გადაეცემა ჟურნალისტებს, რომელებიც აშუქებენ ფსიქიკური ჯანმრთელობის ან ფსიქიკურ დაავადებებთან დაკავშირებულ საკითხებს. 2010-2011 წლის სტიპენდიებისთვის განაცხადების მიღების ბოლო ვადაა მიმდინარე წლის  19 აპრილი.