სიახლეები

3 სექტემბერს, ტელეკოპანია ,,თრიალეთი" ( გორი) გეგმავს გამართოს ტოქშოუ: „შიდა ქართლის ხელისუფლება და ინფორმაციის საჯაროობა".

გორის მუნიციპალიტეტს ახალი ოფიციალური ბეჭდვით ორგანო აქვს. გაზეთი ,,გორის მაცნე" არასამეწარმეო იურიდიული პირის შპს ,,ლომჭაბუკის" ბაზაზე დაფუძნდა. გაზეთმა სახელთან და ორგანიზაციულ - სამართლებრივ ფორმასთან ერთად  შეიცვალა შინაარსიც. ,,გორის მაცნეს" დაემატა რამდენიმე რუბრიკა და შესაბამისად გაიზარდა გაზეთის გვერდების რაოდენობაც. გაზეთი  350 - იანი ტირაჟით გამოდის  და მუნიციპალიტეტის მასშტაბით გავრცელდება.

არდადაგებთან  დაკავშირებით Media.Ge მუშაობას განაახლებს 1 სექტემბრიდან.

გორში გამომავალ გაზეთ „ქართლის ხმის" რედაქტორს საბა წიწიკაშვილს გორის ადმინისტრაციულ შენობაში შესვლაზე მუდმივად პრობლემები ექმნება, ბოლო ინციდენტი რამდენიმე დღის წინ გორის საკრებულოს სხდომის დაწყებამდე მოხდა. დაცვის პოლიციის თანამშრომლებმა „იურისტთა ასოციაციის" და „სამართლიანი არჩევნების" წარმომადგენლები სხდომაზე უპრობლემოდ შეუშვეს, ჟურნალისტს კი უხეშად მიმართავდნენ, ხელს კრავდნენ და მისგან საშვის აღებას მოითხოვდნენ.