შემოგვიერთდი

04.10.2012 12:47

„რუსთავი 2“-ისა და „მზის“ 40%-იანი წილები დავით კეზერაშვილის კომპანიამ იყიდა

ნატა ძველიშვილი

ტელეკომპანიების „რუსთავი 2“-ისა და „მზის“ 40% პრეზიდენტ მიხეილ სააკაშვილთან დახლოებულმა პირმა, თავდაცვის ყოფილმა მინისტრმა,  ამჟამად კი ბიზნესმენმა,  დავით კეზერაშვილმა იყიდა. საჯარო რეესტრის მონაცემებით, ყოფილმა მფლობელმა ლევან ყარამანიშვილმა 4 ოქტომბერს „რუსთავი 2“ - ში მისი კუთვნილი 90 პროცენტიდან 40 პროცენტი 500 ათას დოლარად შპს „მედია ჯორჯიას“ მიჰყიდა, რომლის ერთპიროვნული მფლობელი დავით კეზერაშვილია.

კეზერაშვილსვე ეკუთვნის შპს „ჯორჯიან მედია კომპანი“, რომელსაც ყარამანიშვილმა „მზის“ 40 პროცენტი 250 ათას დოლარად მიჰყიდა.

ორივე კომპანია „მედია ჯორჯია“ და „ჯორჯიან მედია კომპანი“, საჯარო რეესტრში გარიგებამდე ერთი დღით ადრე, 3 ოქტომბერს დარეგისტრირდა. ორივე კომპანიის დირექტორია გიორგი ფრუიძე, ჟურნალ "ტაბულას" მარკეტინგის სამსახურის დირექტორია. ჟურნალ "ტაბულას" მთავარი რედაქტორი თამარ ჩერგოლეიშვილია. უშიშროების საბჭოს მდივნის გიგა ბოკერიას მეუღლე.

ყარამანიშვილმა "რუსთავი 2"-ისა და მზის  90% 2011 წლის დეკემბრის ბოლოს შეიძინა, დანარჩენი 10%ის მფლობელი ტელეკომპანიების დირექტორი გოგი გეგეშიძეა

პროექტის მხარდამჭერები არიან

Website Security Test