ქართული ტელეარხების მონიტორინგს პირველი ივლისიდან არჩევნების დღემდე სლოვაკური არასამთავრობო ორგანიზაცია “მემო 98” და "საქართველოს ჟურნალისტური ეთიკის ქარტია" განახორციელებენ.

მონიტორინგისთვის შერჩეულ თერთმეტ ტელევიზიას - “პირველ არხს”, “რუსთავი 2”-ს,”იმედს”, “რეალ ტვ”-ს, “კავკასიას”,”მაესტროს”,”მეცხრე არხს”,”25-ე არხს”(ბათუმი) “აჭარას”,(ბათუმი) “რიონს”(ქუთაისი) და “მეგა ტვ”-ს (ხონი) პრაიმ ტაიმის დროს - საღამოს შვიდიდან თორმეტ საათამდე დააკვირდებიან. მოხდება ამ დროს ეთერში გასული ყველა გადაცემის შინაარსის მონიტორინგი. პროექტის ავტორების თქმით, სწორედ ეს ფაქტორი განასხვავებს მას სხვა ამჟამად მიმდინარე მონიტორინგებისგან, სადაც აქცენტი რაოდენობრივ ანალიზზე კეთდება.

მონიტორინგის დროს ყურადღებას მიექცევა რამდენად შეესაბამება გადაცემების შინაარსი “ჟურნალისტური ეთიკის ქარტიით” და “მაუწყებელთა ქცევის კოდექსით” გათვალისწინებულ პრინციპებს.

მონიტორინგს ექვსი მკვლევარი განახორციელებს, რომელთაც კონსულტაციას “მემო 98” გაუწევს, ორგანიზაცია, რომელიც ასეთ მომსახურებს 13 წელია 35 -ზე მეტ ქვეყანაში ახორციელებს.

“მონიტორინგის დაწყებისას ვაცნობიერებთ რისკსაც - თუ სახეზე არ გვექნება ჟურნალიზმი და იქნება პროპაგანდა, ამის მონიტორინგი რთული იქნება”,- აღნიშნა პროექტის პრეზენტაციის დროს ჟურნალისტური ეთიკის ქარტიის თავმჯდომარემ, ზვიად ქორიძემ და დასძინა “იმედი მაქვს, რომ წამროგენას, რომელიც სხვადასხვა  სახით არსებობს საზოგადოებაში, მონიტორინიგი სტრუქტურირებას გაუკეთებს და დაასაბუთებს ეს არის ჩვენი წარმოდგენები, თუ ასეთი სერიოზული პრობლემის წინაშე დგას ჩვენი ელექტრონული მედია”.

მონიტორინგის შედეგები კამპანიის დაწყებამდე ორ კვირაში ერთხელ გახდება საზოგადოებისთვის ხელმისაწვდომი, კამპანიის დაწყების შემდეგ კი,  ყოველ კვირეულად გამოქვეყნდება. შედეგებს მიაწვდიან ტელევიზიებსაც.

“გვინდა  იმ პრობლემების შესახებ, რომელიც მონიტორინგის პირველ ეტაპზე გამოიკვეთება დისკუსიები გავმართოთ, რომ უკვე შემდეგ ეტაპზე  მინიმალურად ან საერთოდ აღარ შეგვხდეს”,- აღნიშნა ქორიძემ.

მონიტორინგის საბოლოო შედეგი პროექტის დასრულების შემდეგ გამოქვეყნდება.