„ახალგაზრდა იურსტთა ასოციაციასთან“ (საია) არსებული „ქართული მედიის სამართლებრივი დაცვის ცენტრის“ ხელმძღვანელად ნათია კაპანაძე დაინიშნა. ის ამავე ცენტრში იურისტის პოზიციაზე მუშაობდა.

ცენტრის ხელმღვანელის პოსტი მას შემდეგ გახდა ვაკანტური, რაც ეს თანამდებობა თამარ კორძაიამ დატოვა და „ჟურნალისტური ეთიკის ქარტიის“ აღმასრულებელ დირექტორი გახდა.

ნათია კაპანაძის თქმით, ცენტრის მიმართულება არ შეიცვლება და მთავარი აქცენტი კვლავ ჟურნალისტების უფლებების დაცვაზე გაკეთდება.

„გავაგრძლებეთ აღებულ კურსს, ჩვენი საქმინობა კვლავ იქნება ეფექტური და მყისიერი“, - განუცხადა media.ge-ს ნათია კაპანაძემ და აღნიშნა, რომ ცენტრი ამჟამად გამოხატვის თავისუფლების შესახებ  ანგარიშზე მუშაობს, სადაც ასახული იქნება  მათი  საქმიანობა და მიღწეული შემდეგები. ასევე გაგრძელდება   სამართლებრივ საკითხებზე ჟურნალისტების ინფორმირებულობის გაზრდის მიზნით მედიის წარმომადგენელთა ტრენინგების კურსი.

„ქართული მედიის სამართლერივი დაცვის ცენტრი“ 2009 წელს შეიქმნა. მისი საქმიანობის მიზანი მედიის წარმომადგენლეთა უფლებების დაცვა, სამართლებრივი კონსულტაცია, ადვოკატირება და იმ საკანონმდებლო წინადადებების მომზადებაა, რომელიც მედიაგარემოს გააუმჯობესებს.