საქართველოს მთავრობამ, 17 თებერვალს გამართულ სხდომაზე, საპატრიარქოს ტელევიზია "ერთსულოვნების" დაფინანსების შესახებ გადაწყვეტილება მიიღო. მთავრობის სხდომის შემდეგ ფინანსთა მინისტრმა კახა ბაინდურაშვილმა ჟურნალისტებს განუცხადა, რომ საპატრიარქოს ტელევიზიას მთავრობის სარეზერვო ფონდიდან 300 ათასი ლარი გამოეყოფა.

მისივე თქმით, აღნიშნული წყაროდან დამატებით დაფინანსებას - 200 000 ლარს ფოთიც მიიღებს. ეს თანხა ღვთისმშობლის შობის ტაძრის მშენებლობას მოხმარდება.

ტელევიზია "ერთსულოვნება" მართლმადიდებლურ გადაცემებს, ასევე მხატვრულ და შემეცნებით დოკუმენტურ ფილმებს უჩვენებს. ტელევიზიას არ გააჩნია საკუთარი სამაუწყებლო სიხშირე, ის ეთერში გადის სხვა კომპანიის მიერ დათმობილ სიხშირეზე.