ტრენინგები

სემინარი „ციფრული ტელევიზიების და კომერციული სატელევიზიო პლატფორმების გაშუქება“

"ინტერნიუსი-საქართველო" იწვევს ჟურნალისტებს და რედაქტორებს სემინარზე  - "ციფრული ტელევიზიების და კომერციული სატელევიზიო პლატფორმების გაშუქება“.  სემინარი 2012 წლის 8-9 ივნისს ბათუმში, სასტუმრო „ჩაო“-ში ჩატარდება. მის: ზ. გორგილაძის (ყოფილი ერა) №75 (www.chaohotel.ge)

სემინარის მონაწილეები მიიღებენ ინფორმაციას ციფრულ მაუწყებლობასა და კომერციულ სატელევიზიო პლატფორმებზე; გაეცნობიან ამ სფეროში არსებულ საერთაშორისო გამოცდილებას; განხილული იქნება საქართველოს ტელეაუდიტორიის ინფორმირების საჭიროების საკითხები.

სემინარის მონაწილეებს ასევე საშუალება ექნებათ იმსჯელონ თავიანთ მომავალ ნამუშევრებზე (სტატია, სიუჟეტი და ასე შემდეგ), რომლებიც სემინარზე განხილულ საკითხებს მიეძღვნება. მათი მიზანი ციფრულ ტელემაუწყებლობაზე მოსალოდნელი გადასვლის თაობაზე საქართველოს მოსახლეობის ინფორმირება უნდა იყოს.

სემინარის მუშაობაში მონაწილეობას მიიღებენ ექსპერტები და მომხსენებლები:

დავით მიქაუტაძე - მედია მრჩეველი, მედია ექსპერტი. საქართველო

ივან პოლტავეცი - დამოუკიდებელი ექსპერტი, მედია ტრენერი. უკრაინა

სემინარის დასრულების შემდეგ გამოცხადდება კონკურსი საუკეთესო ჟურნალისტური ნამუშევრის გამოსავლენად, თემაზე: "ციფრული მაუწყებლობის და კომერციული სატელევიზიო პლატფორმის გაშუქება ქართულ მედიაში".

სემინარის ორგანიზატორები დაფარავენ სემინართან დაკავშირებულ ყველა ხარჯს (კვება, ასევე რეგიონიდან ჩამოსული მონაწილეების მგზავრობა და სასტუმრო).

სავარაუდო სასწავლო პროგრამა ხელმისაწვდომია ვებ-ვერდზე www.media.ge

მონაწილეების შერჩევა  მოხდება კონკურსის საფუძველზე.

სემინარში მონაწილეობის მსურველებმა გთხოვთ შეავსოთ განაცხადი და გამოაგზავნოთ მისამართზე: kakulia@internews.ge

განაცხადების მიღების ბოლო ვადაა 2012 წლის 22 მაისი (18:00)

საკონტაქტო პირი: ეკა კაკულია

"ინტერნიუსი - საქართველო"

თბილისი 0105, პაოლო იაშვილის 14/22

ტელ: +995 32 292 33 95/96/97

ფაქსი: +995 32 292 04 25

მობ: +995 599 968676

სემინარის პროგრამა იხილეთ აქ