ტრენინგები

Reuters-ის სემინარი ტერორიზმის და მსოფლიო უსაფრთხოების თემაზე

ტრენინგის ხანგრძლივობა - 12-14 ნოემბერი

ტრენინგი ჩატარდება - თურქეთში, სტამბულში

სამუშაო ენა - ინგლისური

აპლიკაციის დედლაინი - 30 აპრილი

Thomson Reuters- ის ფონდი ჟურნალისტებს სთავაზობს მონაწილეობა მიიღონ ტერორიზმის და მსოფლიო უსაფრთხოების თემაზე გამართულ სამ დღიან ტრენინგში.

სემინარის მიზანია მედიის როლის კრიტიკულად გაანალიზება და გააზრება, თუ როგორ შეუძლიათ ტერორისტებს ჟურნალისტები საკუთარი მიზნებისთვის გამოიყენონ.

სემინარის დროს განიხილება - არაბული გაზაფხულის თემა და მისი გავლენა ალ ქაიდასა თუ ისლამურ პოლიტიკურ პარტიებზე; ლიბიასა და  სირიაში ამბოხების გავლენა ევროპის, შუა აზიის და აფრიკის უსაფრთხოებაზე;  ევროპაში ეკონომიკური არასტაბილურობის გავლენა ექსტრემიზმე; ჩინეთსა და რუსეთში ამბოხების დაწყების რისკი;  ბირთვული იარაღის გავრცელების თემა და ირანი; პაკისტანის გამოწვევები; კიბერუსაფრთხოება და ჯაშუშობა; ახალი ამბების გაშუქება სოციალური მედიისა და WikiLeaks-ის ეპოქაში.

ტრენინგი წარიმართება პორაქტიკული სამუშაოების და დებატების ფორმატში.

სემინარში მონაწილეობის მიღება შეუძლიათ ჟურნალისტებს განვითარებული და განვითარებადი ქვეყნებიდან, რომლებიც ბეჭდურ, სამაუწყებლო თუ ონლაინ გამოცემებში მუშაობენ. აუცილებელი არ არის ტერორიზმის განხრით სპეციალიზაცია, მაგრამ ტრენინგის ორგანიზატორები ეძებენ პირებს, რომლებიც ამ თემით დაინტერესებულები არიან და სურთ ამ კურსზე არა მხოლოდ დასწრება, არამედ საკუთარი იდეების გამოხატვა და დებატებში აქტიური მონაწილეობა. მონაწილეები ბრწყინვალედ უნდა ფლობნდნენ ინგლისურს, რადგან თარჯიმანის მომსახურება სემინარის დროს გათვალისწინებული არ არის.

ტრენინგის ხარჯები განვითარებული ქვეყნების ჟურნალისტებისთვის დაიფარება.

დამატებითი ინფორმაციისთვის და აპლიკაციის ფორმისთვის ეწვიეთ - http://www.trust.org/trustmedia/journalism-training/courses-detail.dot?id=f69c6bb3-192d-4cf0-ab46-1e50e67e52a6