ანონსი

თბილისში მუშაობას დაიწყებს სამხრეთ კავკასიის ყოველწლიური მე-7 მედია კონფერენცია

თბილისი. 11 ნოემბერი. 10 საათი.  სამხრეთ კავკასიის ყოველწლიური მე-7 მედია კონფერენციის გახსნა. კონფერენციას  ეუთო-ს წარმომადგენელი მედიის თავისუფლების საკითხებში დუნია მიატოვიჩი უმასპინძლებს.

ორდღიანი ღონისძიების ფარგლებში კონფერენციის მონაწილენი იმსჯელებენ სამხრეთ კავკასიის ქვეყნებში მედიის სფეროში მიმდინარე მოვლენებისა და ჟურნალისტების წინაშე მდგარი გამოწვევების შესახებ, განსაკუთრებული აქცენტით ინფორმაციის ხელმისაწვდომობის და ახალი ტექნოლოგიების საკითხზე, მათ შორის, ინტერნეტზე.

ჟურნალისტებს იწვევენ  კონფერენციის დასაწყისის გასაშუქებლად 10 საათზე სასტუმროში "ივერია რადისონ ბლუ", ვარდების რევოლუციის მოედანი, №1. დუნია მიატოვიჩი კონფერენციის მონაწილეებს სიტყვით მიმართავს.