შემოგვიერთდი

განცხადებები

დედლაინი

02.10

2014

ანონსი

პრეზენტაცია- “რელიგიურ გაერთიანებათა საჭიროებების კვლევა საქართველოში“

კვლევაში წარმოდგენილია საქართველოში რელიგიური გაერთიანებების საჭიროებების, მათ წინაშე არსებული პრობლემებისა და რელიგიის თავისუფლების დაცვის კუთხით სახელმწიფოს პოლიტიკის ანალიზი.

კვლევა ეფუძნება 33 რელიგიური გაერთიანების 70-მდე წარმომადგენელთან ჩატარებულ ინტერვიუებს. პრობლემების ნაწილი რელიგიურ ორგანიზაციებს წლებია აწუხებს, ნაწილი კი, ბოლო პერიოდში გამოვლენილ ისლამოფობიასა და რელიგიური შეუწყნარებლობის მოტივით ჩადენილი სამართალდარღვევების რიცხვის მკვეთრ ზრდასთან არის დაკავშირებული. კვლევაში ასევე მოცემულია სახელმწიფო უწყებებისთვის შეთავაზებული კონკრეტული რეკომენდაციები.

კვლევა მოამზადა ტოლერანტობის და მრავალფეროვნების ინსტიტუტმა (TDI) "ეროვნული ინტეგრაციის გაძლიერება საქართველოში" (ANI) პროექტის მცირე გრანტების მექანიზმის ფარგლებში, რომელსაც ახორციელებენ საქართველოს გაეროს ასოციაცია (UNAG) და ფონდი “ღია საზოგადოება საქართველო” (OSGF), აშშ-ის საერთაშორისო განვითარების სააგენტოს (USAID) ფინანსური მხარდაჭერით.

პრეზენტაცია გაიმართება ქართულად და უზრუნველყოფილი იქნება  თანმიმდევრული თარგმანი ინგლისურ ენაზე.

ღონისძიების დრო და ადგილი:
ხუთშაბათი, 2 ოქტომბერი, 14:00 – 16:00
კლუბი „ფრონტლაინ ჯორჯია“
მისამართი: თბილისი, ლადო ასათიანის ქ.62 

 

პროექტის მხარდამჭერები არიან

Website Security Test