განცხადებები / ანონსი

შეხვედრა თემაზე: ძირითადი გამოწვევები მედიისთვის წინასაარჩევნო პერიოდში

ვროკავშირი და გაეროს განვითარების პროგრამა აგრძელებს მედიამონიტორინგის ინიციატივის მხარდაჭერას 2014 წლის თვითმმართველობის არჩევნებზე და გიწვევთ ღონისძიებაზე, რომელზეც განხილული იქნება ძირითადი გამოწვევები მედიისთვის წინასაარჩევნო პერიოდში. აგრეთვე, წარმოდგენილი იქნება 2013 წლის საპრეზიდენტო არჩევნების მედიამონიტორინგის შედეგების საბოლოო პუბლიკაცია.

მისასალმებელი სიტყვით გამოვა ფილიპ დიმიტროვი, ევროკავშირის დელეგაციის ხელმძღვანელი საქართველოში, ასევე ნილს სკოტი, გაეროს განვითარების პროგრამის მუდმივი წარმომადგენელი საქართველოში (UNDP).

ღონისძიება გაიმართება, პარასკევს, 21 მარტს სასტუმროში ქორთიარდ მერიოტი (სადღესასწაულო დარბაზი 2) 12:00 – 13:00 სთ-ზე.

ქართული ტელე, რადიო, ბეჭდური და ონლაინ მედიის მონიტორინგი ხორციელდება ევროკავშირისა და გაეროს განვითარების პროგრამის მიერ დაფინანსებული პროექტის: „პროფესიონალური მედია არჩევნებისთვის“ ფარგლებში.