ტრენინგები

ჟურნალისტებისთვის საინფორმაციო სემინარი გაიმართება

ევროკომისიის წარმომადგენლობა საქართველოში ორშაბათს, ჟურნალისტებისთვის, ევროკავშირის მიერ დაფინანსებული პროგრამა "ტემპუსის" საინფორმაციო სემინარს გამართავს.

სემინარს გახსნიან ევროკომისიის წარმომადგენლობის ხელმძღვანელი ტორბენ ჰოლცე, განათლებისა და მეცნიერების მინისტრის პირველი მოადგილე ალექსანდრე დიდებულიძე და ევროპული და ევრო-ატლანტიკური ინტეგრაციის საკითხებში სახელმწიფო მინისტრის მოადგილე თამარ ბერუჩაშვილი. ევროკომისიის წარმომადგენლობის ცნობით, სემინარზე წარმოდგენილი იქნება "სახელმძღვანელო" განაცხადის წარდგენის მსურველთათვის და პროექტების შერჩევის პროცედურა. ასევე, დაინტერესებული მონაწილეებისათვის გაიმართება კონსულტაციები "ტემპუსის" პროგრამაში მონაწილეობის შესახებ. "ტემპუსი" საშუალებას აძლევს საქართველოს უნივესიტეტებს ითანამშრომლონ ევროკავშირის 25 ქვეყნის უნივერსიტეტებთან უმაღლესი განათლების მოდერნიზების სფეროში. სემინარი დაიწყება დილის 10:00 საათზე, მისამართზე: უზნაძის ქ. 2, "ქორწინების სახლის" შენობა, "მსოფლიო ლაბორატორიის ოფისი".