პრესრელიზი

SES-ი (Euronext პარიზის და ლუქსემბურგის საფონდო ბირჟა: SESG) ადასტურებს მსოფლიო ლიდერობას მაღალი გარჩევადობის მქონე (HD) მაუწყებლობის ბაზარზე. დღესდღეობით კომპანია 1300 HD არხს ფლობს მთელი მსოფლიოს მასშტაბით. ბოლო პერიოდის ანგარიში გვიჩვენებს, რომ SES-ის თანამგზავრებით გადაცემული 5200 არხის მეოთხედზე მეტი მაღალი გარჩევადობის არხებია. SES-ი HD არხების რაოდენობით გაცილებით უსწრებს თავის ორ ძირითად კონკურენტს.

1300 HD ტელეარხიდან, რომლებსაც SES-ი თანამგზავრების მეშვეობით გადასცემს, 920 -ზე მეტი არხი სამხრეთ ამერიკაში, 297 ევროპაში, 105 კი სწრაფად განვითარებად ქვეყნებში (აზია, ლათინური ამერიკა, ახლო აღმოსავლეთი და აფრიკა) მაუწყებლობს.

ბოლოდროინდელი კვლევის შედეგების თანახმად, რომელიც დამოუკიდებელი სერვისის Lyngset-ის (www.lyngsat.com) დახმარებით ჩატარდა, მსოფლიოს დაახლოებით 31,000 თანამგზავრული ტელეარხის 17%  და 4700 HD არხის 28% SES-ს ეკუთვნის.

SES–ის შესახებ

SES-ი თანამგზავრული მაუწყებლობის წამყვანი ოპერატორია, რომლის ფლოტი 51 გეოსტაციონარული თანამგზავრისგან შედგება. კომპანია მთელ მსოფლოში სთავაზობს თანამგზავრული კავშირგაბმულობის მომსახურებას მაუწყებლებს, კონტენტ- და ინტერნეტპროვაიდერებს, მობილური და ფიქსირებული ქსელების ოპერატორებსა და ბიზნეს- და სამთავრებო ორგანიზაციებს.

SES-სათვის პრიორიტეტულია ხანგრძლივი საქმიანი ურთიერთობები, მაღალი ხარისხის მომსახურება და პროფესიონალიზმი მსოფლიოს სამაუწყებლო ბაზარზე. SES–ის რეგიონალური ოფისები მთელს მსოფლიოშია განთავსებული. ისინი მჭიდროდ თანამშრომლობენ მომხმარებლებთან, რათა მაქსიმალურად დააკმაყოფილონ მათი მოთხოვნები.

SES-ი  ფლობს წილს კანადისა ("Ciel") და მექსიკის ("QuetzSat") თანამგზავრულ კომპანიებში, ამავდროულად იგი თანამგზავრული ინფრასტრუქტურის სტარტაპის O3b Networks–ის სტარტეგიული პარტნიორია. დამატებითი ინფორმაციისთვის ეწვიეთ: www.ses.com.

 მასალა მომზადებულია სატელიტური ოპერატორის SES-ის მიერ