ტელეკომპანია “კავკასიას” თელავში, ახმეტაში, ბათუმსა და ქუთაისში საკაბელო მაუწყებლობა ეზღუდება  -  ამის შესახებ გაზეთი “ვერსია” წერს.

გაზეთის ცნობით, თითქმის ყველა ადგილობრივი საკაბელო ტელევიზიის ადმინსიტრაციაში ტრანსლირების შეწყვეტის მიზეზად სიგნალის ხარვეზებით მიღება დაასახელეს. მათი განმარტებით, მაუწყებლობის შეწყვეტით მაყურებელი უხარისხო პროდუქციის მიწოდებისგან დაიცვეს.

“ვერსია” წერს, რომ ასეთივე პრობლემა ტელეკომპანია “მაესტროსაც” შეექმნა, “რომელსაც ახმეტის საკაბელო ტელევიზიის ადმინისტრაციაში განუცხადეს  - “არ გვინდა და არ ჩავრთავთ.”

გაზეთთან ინტერვიუში ტელეკომპანია “კავკასიის” დირექტორი ნინო ჯანგირაშვილი აცხადებს:  “მაესტროც” და “კავკასიაც” რეგიონალურ საკაბელო ტელევიზიებში ხელისუფლების ზეწოლით და უშუალოდ მათი გადაწყვეტილებით იბლოკება. ხელისუფლების ამოცანაა, თბილისის გარდა, “კავკასიის” ყურების საშუალება რეგიოენებში არავის ჰქონდეს”. 

ჯანგირაშვილის განმარტებით, “კავკასია” ზოგ საკაბელოში ჩართულია და ზოგ რეგიონში მაუწყებლობს. “თუმცა ხმამაღლა ვერც ამას ვამბოთ კონკრეტულად რომელ ქალაქში გვაქვს მაუწყებლობის საშუალება, რადგან ზუსტად ვიცით, რომ მეორე დღესვე ამოგვიღებენ”, - აცხადებს ჯანგირაშვილი. მისი აზრით, ამ ვითარებაში ერთადერთი გამოსავალი არსებობს - რეგიონებში მარეგულირებლის მიერ ლიცენზირებულ ადგილობრივ  ტელევიზიებს დაევალოთ ტელეკომპანიის ტრანსლირება. ტელკომპანია “კავკასიას” ზოგ ქალაქში საკაბელო მაუწყბელობა შეეზღუდა.