13 აპრილი, 2011 - 21:46

დასრულდა რეგიონული ტელეჟურნალისტების პროფესიული ტრენინგის პირველი რაუნდი

ლევან ჟორჟოლიანი

ტრენინგი რეგიონული ჟურნალისტებისთვის

13 აპრილს თბილისში დასრულდა  ჟურნალისტთა პროფესიული ტრენინგის პირველი რაუნდი. მასში მონაწილეობას საქართველოს რეგიონული ტელევიზიების წარმომადგენლები იღებდნენ.

სემინარი ევროკავშირის მიერ დაფინანსებული პროექტის „მედია მონიტორინგის ხელშეწყობის" ფარგლებში ჩატარდა, რომელსაც გაეროს განვითარების პროგრამა (UNDP) ახორციელებს.

სემინარის პირველი ეტაპის დახურვის ღონისძიებას, რომელიც სასტუმრო „ბეთსში" გაიმართა,   ევროკავშირის წარმომადგენლობის ხელმძღვანელი ელჩი ფილიპ დიმიტროვი, გაეროს განვითარების პროგრამის  (UNDP) ხელმძღვანელი ჯეიმი მაკგოლდრიკი და საქართველოში ევროკავშირის წარმომადგენლობის თანამშრომელი  ოლივერ  რაისნერი დაესწრნენ.

ფილიპ დიმიტროვის თქმით, დამოუკიდებელი და დაბალანსებული მედია დემოკრატიის ერთ-ერთი მნიშვნელოვანი წინაპირობაა.

ფილიპ დიმიტროვი და ოლივერ რაისნერი
„18 თვე არ არის საკმარისი, რომ მედია მონიტორინგის საქმეში ძირეული ცვლილებები მოხდეს, მაგრამ იმედს გამოვთქვამ,  რომ ჩვენ  ნაბიჯ-ნაბიჯ მივიწევთ საბოლოო ამოცანისკენ."

ელჩის თქმით, აუცილებელია, ქვეყანაში საგამოძიებო ჟურნალისტიკა განვითარდეს და ჟურნალისტებმა გამოიყენონ ის ტექნიკა, რომელიც მოვლენის მიუკერძოებელ გაშუქებას გულისხმობს.

„მედიის აქტიური როლი ხდის მას საინტერესოს, ხოლო როცა მედია პასიურია, მას შედეგი არ მოაქვს", აღნიშნა ფილიპ დიმიტროვმა.

გაეროს განვითარების პროგრამის (UNDP) ხელმძღვანელის ჯეიმი მაკგოლდრიკის თქმით, სემინარი არის „ ნაწილი იმ დიდი პროგრამისა, რომელსაც ქვია დემოკრატიის განვითარება საქართველოში":

„ჩემთვის მნიშვნელოვანია, რომ სემინარს ესწრებიან რეგიონული მედიის წარმომადგენლები.  მინდა ვთქვა, რომ საქართველოში ჟურნალისტიკა განვითარების საწყის ეტაპზეა, ამიტომ მიხარია, რომ თქვენ ამ სემინარს გიკითხავთ ქალბატონი [ასია შიაბი], რომელიც ერთ-ერთი წამყვანი მედიასაშუალების წარმომადგენელია, იმედი მაქვს ამ გამოცდილებას გამოიყენებთ , რაც საბოლოოდ წაადგება საქართველოში დემოკრატიის გაბვითარებას", აღნიშნა მალგოლდრიკმა.

ასია შიაბი  ახალი ამბების სააგენტო  France-Presse-ის წარმომადგენელია.

ტრენინგის 7 რაუნდი რეგიონული ტელევიზიებისთვისაა განკუთვნილი და 2011 წლის აპრილიდან ნოემბრამდე გაგრძელდება. მასში მონაწილეობას  რეგიონული ტელევიზიის 50 ჟურნალისტი მიიღებს. ტრენინგის საკითხები მოიცავს: ახალი ამბების გაშუქებას, საგამოძიებო ჟურნალისტიკას, ეთიკის სტანდარტებს მედიაკანონმდებლობას და ინფორმაციის ხელმისაწვდომობას.

Share

ახალი კომენტარის გამოქვეყნება

ამ ველის კონტენტი პირადია და არ გამოჩნდება.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <p> <span> <img> <div> <pp_img> <pp_media> <h2> <h3> <h4> <h5> <h6> <blockquote> <table> <tbody> <tr> <th> <td> <br>
  • You may embed videos from the following providers archive, bliptv, flickr_sets, youtube. Just add the video URL to your textarea in the place where you would like the video to appear, i.e. http://www.youtube.com/watch?v=pw0jmvdh.
  • Insert images and media with <pp_img> or <pp_media>. See formatting options for syntax.
  • You may use [swf file="song.mp3"] to display Flash files and media.

More information about formatting options

By submitting this form, you accept the Mollom privacy policy.